மெய்ச்சுடருக்கு அங்கீகாரம்

 

மெய்ச்சுடர் செயல்பாடுகளைப்  பாராட்டி திருக்கருகாவூர் அக்னிச் சிறகுகள் அறக்கட்டளை "அக்னிச் சிறகுகள்" என்ற விருதினை வழங்கி சிறப்பித்து இருக்கிறது. 


அக்னிச் சிறகுகள் அறக்கட்டளை தமிழ்நாடு முழுவதும் சிறப்பாக செயல்படும்  ஆசிரியர்கள்,   உழவர்கள், எழுத்தாளர்கள், சமூக செயற்பாட்டாளர்கள்,   இதழாளர்கள் ஆகியோரை தேர்வு செய்து ஆண்டுதோறும் விருது வழங்கி சிறப்பித்து வருகிறது.


2026 ஆம் ஆண்டுக்கான அக்னிச் சிறகுகள் விருதினை நமது மெய்ச்சுடர் இதழுக்கு வழங்கி சிறப்பித்து இருக்கிறது. 


மாண்பமை மாவட்ட நீதிபதி பரமசிவம் நாகராஜன்  மற்றும் பஞ்சலோக சிற்பக் கலைஞர் பத்மஸ்ரீ தேவ ராதாகிருஷ்ணன் ஆகியோர் விருதினை வழங்கி சிறப்பித்தார்கள்.  


அக்னிச் சிறகுகள் அமைப்பின் தலைவர் கோ சிவசண்முகம்  நமது மெய்ச்சுடரின் செயல்பாடுகளை விரிவாக எடுத்துரைத்தார்.  


20 ஆண்டுகளுக்கு மேலாக சமூகம் சார்ந்து அனைவருக்கும்மான கல்வி, மது ஒழிப்பு, ஜாதி ஒழிப்பு, பெண்ணுரிமை, மக்கள் விரோத அரசின்  திட்டங்களுக்கு எதிரான போராட்டங்கள்,  மக்களின் வாழ்வுரிமை சார்ந்த போராட்டங்கள், பாதை மீட்பு, நில மீட்பு போராட்டங்கள், பல்வேறு துறைகளில் சிறந்து விளங்கும் ஆளுமைகளை கொண்டாடுதல் என எழுத்தாகவும், செயலாகவும் களத்தில் நிற்கும் மெய்ச்சுடர் செயல்பாடுகளுக்கான அங்கீகாரமாக இந்த விருதினை நாம் கொண்டாடலாம். 


மெய்சுடருக்கு விருது வழங்கி சிறப்பித்த அக்னிச் சிறகுகள் அறக்கட்டளைக்கும் அதன் பொறுப்பாளர்களுக்கும்  அன்பும் வாழ்த்துகளும்.  


நம்பிக்கையுடன், 

ஆசிரியர், 

மெய்ச்சுடர்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

அரசு தொடக்கப் பள்ளி ஆசிரியர்களையும் மாணவர்களையும் வதைக்கும் பணியிடைப் பயிற்சி

அரசு தொடக்கப் பள்ளி ஆசிரியர்களையும் மாணவர்களையும் வதைக்கும் பணியிடைப் பயிற்சி தமிழகத்தில் தொடக்கப்பள்ளிகளின் நிலை மிகவும் கவலைகிடமாக இருக்கிறது. அங்கு படிக்கும் மாணவர்களின்நிலை மிகவும் பரிதாபகரமாக இருக்கிறது. இதனால் இப்பள்ளிகளில் மாணவர்கள் எண்ணிக்கை ஆண்டுக்கு ஆண்டுகுறைந்து கொண்டே வருகிறது. பல்வேறு பள்ளிகள் ஒற்றை இலக்க மாணவர்கள் எண்ணிக்கையோடு செயல்படுகிறது(?). தமிழகத்தில் தற்போது உள்ளதைப் போல தொடக்கப்பள்ளி கட்டமைப்பு (அருகாமைப் பள்ளி கட்டமைப்பு) வேறு எந்தமாநிலங்களிலும் இல்லை என்கிறார்கள் கல்வியாளர்கள். காமராசர் போன்ற அறம் வளர்த்த அரசியல் தலைவர்களாலும், நே.து.சுந்தரவடிவேலு போன்ற அதிகாரிகளின் அர்ப்பணிப்பான சேவையாலும் வளர்ந்த அரசுத் தொடக்கப்பள்ளிகளின் நிலைஇன்று அவலத்தின் உச்சத்தில் உள்...
மேலும் படிக்கவும்

பொலிவிழந்து வரும் மண் பானை தொழில்

படம்
  பொலிவிழந்து வரும் மண் பானை தொழில் மனித நாகரிகத்தின் அடையாளம் உலகின் மூத்த தொழில் மண் பானை செய்யும் தொழில் தற்பொழுது நலிந்து வருகிறது. பிறப்பிலிருந்து இறப்பு வரை பண்பாட்டு அடையாளமாக மண்பாண்டங்கள் இருந்து வருகிறது. கீழடி ஆய்வின் அடையாளமாக தமிழ் மொழியின் தொன்மத்தின் தரவுகளாக இன்றும் நம்மிடம் இருப்பது மண் பானை ஓடுகள்தான். சிந்து முதல் குமரி வரை தமிழர்களின் நாகரீக அடையாளமாக மண்பாண்டத் தொழில் இருந்து வருகிறது. தமிழர்களின் பண்பாட்டு விழாவான பொங்கல் விழா மண் பானைகள் இல்லாமல் சிறக்காது. வேளாண் குடிகள் பொங்கல் வைக்கும் விழாவை மண்பானைகளை கொண்டே வைப்பார்கள். சாதாரண புழங்கு பொருட்களாக இருந்த மண்பானைகள் பொங்கல் விழாவின் அடையாளமாக மாறிப் போனது. காலப்போக்கில் அதுவும் மறைந்து வெவ்வேறு உலோகப் பானைகளில் பொங்கல் வைக்கும் பழக்கத்தால் மண்பானைகளில் புழக்கம் குறைந்து வருகிறது. மண் பானைகளின் அருமை பெருமைகளை அதன் மருத்துவ குணங்களை சமகால தலைமுறை தெரிந்து வைத்திருந்தாலும் அதன் பயன்பாடு இன்னும் அதிகரிக்கவில்லை. இந்நிலையில் பொங்கல் விழாவை மையப்படுத்தி நடைபெறும் சொற்பமான பானை செய்யும் தொழிலும் இந்த ஆண்டு மி...
மேலும் படிக்கவும்

பால்குடம் எடுத்தல் (பாலாபிசேகம்) ஏன்?

பாலாபிசேகம் ஏன்? திருவிழாக் காலங்களில் கோவில்களில் பக்தர்களால் பால்குடம், பால் காவடி எடுக்கப்பட்டு கோவில் கருவறை மூலவர் சிலையில் பால் அபிசேகமாக ஊற்றப்படுகிறது . இன்றளவில் இப்படி பால் குடம் எடுக்கும் மக்களின் எண்ணிக்கை கூடிக்கொண்டே வருகிறது. நேர்த்திக்கடன் என்ற பெயரில் இப்போது நடக்கும் இச்சடங்கின் உண்மைப் பொருளை சில பெரியவர்கள் கூறினார்கள். கோவிலில் சிலைகள் அமைக்கப்படும் போது பீடத்தில் மருந்துப் பொருட்களை வைத்து சிலைகளை அமைப்பர். அச்சிலைகளின் மேல் பால் போன்றவைகளைக் கொண்டு அபிசேகம் செய்வர். அது சிலையின் பீடத்தில் உள்ள மருந்துப் பொருட்களில் பட்டு கருவறையின் வெளியில் வைக்கப்பட்டிருக்கும் வடிகாலில் வடிந்து ஒழுகும். கோவில் சுற்றுப் பாதையில் அமைக்கப்பட்டுள்ள வடிகால் தொட்டியில் அபிசேகம் செய்யப்பட்ட பால் பொருட்களைப் பக்தர்கள் எடுத்து பருகுவர், அப்படிப் பருகுவதால் பல மருத்துவப் பலன்களைப் பெறலாம் என்பது ஐதீகம். இதுதான் சிலைகளில் அபிசேகம் செய்வதன் நோக்கம். இந்தப் பழக்கம் குறிஞ்சிப் பகுதியில் மலைகளில் உள்ள மூலிகைகளால் மருத்துவ குணம் கொண்டு பெருக்கெடுக்கும் அருவிகளைப் பார்த்...
மேலும் படிக்கவும்