மெய்ச்சுடர்

பட்டுக்கோட்டை, அரசு மாதிரி மேல்நிலைப் பள்ளியில் தமிழ்நாடு அறக்கட்டளை சார்பில் அதிக கவனம் தேவைப்படும் மாணவர்களுக்கான ஏபிசி திட்டத்திற்கான தொடக்க விழா நடைபெற்றது. நகரைச் சுற்றியுள்ள கிராமப்புற ஏழை எளிய மாணவர்கள் அதிகமாக படிக்கும் இந்தப் பள்ளியில் சிறப்புக் கவனம் தேவைப்படும் மாணவர்களை கண்டறிந்து அவர்களுக்கான சிறப்பு வகுப்புகளை வழங்குவதற்காக இந்தத் திட்டத்தை அறக்கட்டளை செயல்படுத்த உள்ளது.   இப்பள்ளியில் திட்டம் நடைமுறைப்படுத்தப்படுவதன் மூலம் தமிழ், ஆங்கிலம், கணக்கு பாடங்களில் கூடுதல் கவனம் தேவைப்படும் மாணவர்களுக்கு சிறப்பு ஆசிரியர்கள் நியமிக்கப்பட்டு அனைத்து மாணவர்களும் அடிப்படைத் தகுதிகளைப் பெறுவார்கள்.   மேலும் இப்பள்ளியில் மேல்நிலை வகுப்புகளில் படிக்கும் மாணவர்களுக்கு மென் திறன் மேம்பாட்டுப் பயிற்சி, நூலகம் ஓர் ஆலயம் திட்ட போட்டிகள், கல்லூரி கனவு போன்ற செயல்பாடுகள் மேற்கொள்ளப்படும்.   பள்ளி தலைமை ஆசிரியர் சி. தெட்சணாமூர்த்தி தலைமையில் நடைபெற்ற தொடக்க நிகழ்வில் உதவித் தலைமை ஆசிரியர் இ.குமரவேல், ஆசிரியர்கள் தனம், அல்ஃபினா ஆகியோர் கலந்து கொண்டனர்.   சிறப்பு கவனம் தேவைப்படும் மாணவர்

 திருமதி ஆஸ்மி. இவர் ஏழாம் வகுப்பும் மூன்றாம் வகுப்பும் படிக்கும் இரண்டு பிள்ளைகளுக்கு தாய். கணவர் அயல் நாட்டில் பணியாற்ற தனது மாமனார், மாமியார், குழந்தைகளுடன் வசித்து வரும் இல்லத்தரசி.   இன்று இளநிலை கூட்டுறவு தணிக்கையாளர்.   அதைவிட இவரின் முதன்மையான அடையாளமாக மாறி இருப்பது புனல்வாசல் தன்னார்வ படிப்பு வட்டத்தின் மாணவி என்பது. பேராவூரணி அருகே உள்ளது புனல்வாசல் புனித ஆரோக்கிய அன்னை அரசு உதவி பெறும் மேல்நிலைப்பள்ளி.  இந்தப் பள்ளியில் 1993இல் பள்ளி இறுதி ஆண்டு படித்த மாணவர்கள் ஒன்றுகூடி 2021 செப்டம்பர் 12 -ல் தொடங்கியதுதான் புனல்வாசல் தன்னார்வ பயிலும் வட்டம்.   பள்ளி வளாகத்திலேயே போட்டித் தேர்வுகளுக்கு தயாராகும் மாணவர்களுக்கென அனைத்து வசதிகளுடன் கூடிய கூடம் பள்ளி நிர்வாகம் சார்பில் வழங்கப்பட்டது.  1993இல் இப்பள்ளியில் படித்து தற்பொழுது உலகெங்கும் வெவ்வேறு துறைகளில் பணியாற்றி வரும் நண்பர்கள் ஒவ்வொருவரும் படிப்பு வட்டத்தின் தேவைகளுக்கு பொறுப்பேற்றுக் கொண்டனர்.   போட்டித் தேர்வுகளுக்கான பாடப்புத்தகங்கள், வினாத்தாள்கள், தளவாடப் பொருட்கள், தேநீர் மற்றும் நொறுக்கு தீனிகள் என மாணவர்கள் மனநிற

புதுக்கோட்டை மாவட்டம் ராயவரம் சு‌. கதி. காந்தி உயர்நிலைப் பள்ளியில் தமிழ்நாடு அறக்கட்டளை சார்பில் இரண்டு நாள் மென் திறன் மேம்பாட்டுப் பயிற்சி நடைபெற்றது.  தன்னை அறிதல், தலைமை பண்பை வளர்த்துக் கொள்ளுதல், நேர்மையான வாழ்வியலை வழக்கமாக்கி கொள்ளுதல், நேர மேலாண்மை, இடர் களைதல், கூட்டு உழைப்பு, வலிமை அறிதல் போன்ற தலைப்புகளில் பயிற்றுனர் இளங்கோ முத்து பயிற்சி வழங்கினார். இந்தப் பள்ளியில் பத்தாம் வகுப்பு படிக்கும் மாணவர்களுக்கு வழங்கப்பட்ட இந்தப் பயிற்சியை பள்ளித் தலைமை ஆசிரியர் இரா.கலைச்செல்வி தொடங்கி வைத்தார். அறக்கட்டளை திட்ட ஒருங்கிணைப்பாளர் நா.வெங்கடேசன் பயிற்சியின் நோக்கம் குறித்து விளக்கம் அளித்தார்.   முன்னதாக அறக்கட்டளை ஆசிரியர் வித்தியா வரவேற்றார்‌. பள்ளியின் ஆசிரியர்கள் வாழ்த்துரை வழங்கினர். பயிற்சி நிறைவில் மாணவர்களுக்கு பயிற்சி சான்றிதழ் வழங்கப்பட்டது.    நிறைவாக ஆசிரியர் இந்திரா பிரியதர்ஷினி நன்றி கூறினார்.

சமூக நீதி குறித்த சிந்தனை சமகாலத்தில் பெரிதும் விவாதிக்கப்பட்டு வருகிறது.   நீதிக்கட்சி ஆட்சி தொடங்கி பெண்கள் குழந்தைகள் பெரியவர்களின் உரிமைகள் குறித்த விவாதங்கள் இங்கு தொடர்ந்து நடத்தப்பட்டு அதன் விளைவாக சமூக நீதி செயல் வடிவம் பெற்றிருக்கிறது.  இருந்தாலும் தற்பொழுதும்  சமூக நீதிக்கான குரல் ஏதேனும் ஒரு வடிவில் இங்கு ஒலித்துக் கொண்டேதான் இருக்கிறது.  பேறு கால விடுப்பு என்பதெல்லாம் பெண்ணுரிமை குரல் தொடங்கிய காலத்தில் விவாதிக்கப்பட்ட கருத்து.  பிறகு இந்திய அரசியல் அமைப்புச் சட்டம் பெண்களுக்கு இந்த பேறுகால விடுப்பை வழங்கி உள்ளது.  இது பெண்களுக்கான உரிமையாக பார்க்கப்பட்டு விடுப்பு காலம் படிப்படியாக உயர்த்தப்பட்டும் வந்துள்ளது. ஆனால் இன்றும் தமிழ்நாட்டில் அரசு கல்லூரிகளில் பணி புரியும் பெண் கௌரவ விரிவுரையாளர்களுக்கு பேறு கால விடுப்பு கூட வழங்கப்படுவதில்லை என்பது மிகவும் வருத்தத்திற்குரியது.   தனியார் துறைகளில் பணிபுரியும் பெண்களுக்கு கூட பேறு கால விடுப்பை வழங்க வேண்டும் என்ற கோரிக்கை வலுத்து வரும் நிலையில் அரசுத் துறையில் அதுவும் விழிப்புணர்வை ஏற்படுத்த வேண்டிய கல்வித் துறையில் பெண்களுக்கான